கழுகின்......அதிரடி அரசியல் பார்வை...!

பெரிய போராட்டங்கள் நடத்தினால்தான் அல்லது தெருவிற்கு தெரு சுற்றி மைக் பிடித்து மக்களை கவருமாறு கத்தி கத்தி பேசினால்தான் இல்லை ஊருக்கு காட்டுகிறேன் பேர்வழி என்று தெருவை இறங்கி சுத்தம் செய்வது என்பதெல்லாம் சமூக அக்கறையாக கொள்ளும் பட்சத்தில், மனிதனின் மனதில் இருக்கும் அறியாமைப் பேயை விரட்ட தீப்பந்தம் கொளுத்தி மக்களுக்கு விழிப்புணர்வூட்டம் செய்வதும் சமூக அக்கறைதானே...

சமகால அரசியல் பற்றி தம்பி செளந்தரிடம் விவாதித்துக் கொண்டிருந்த போது தம்பியின் சாட்டையடி வார்த்தைகளில் கொஞ்சம் சுறுசுறுப்பாகி....ஒரு கட்டுரை வடிவில் எழுதி கொடு என்று கேட்ட 30 நிமிடத்தில் கட்டுரை ரெடி....

செளந்தரின்..அரசியல் அதிரடி இதோ...உங்களுக்காக!

இன்னும் தேர்தல் வருவதற்கு சில மாதங்களே இருக்கிறது....இவர்களும் அறிக்கை சண்டை போய்.. இப்போது தெருவில் இறங்கி சண்டை போடுகிறார்கள்.. ஓரு நாள் தி.மு. க.. அதிமுகவை கண்டித்து ஆர்ப்பாட்டம் நடத்துவார்கள், மறுநாள் அ.தி.மு.க..திமுக வை கண்டித்து ஆர்ப்பாட்டம் நடத்தி மக்களுக்கு மேலும் துன்பம் அளிப்பார்கள்...

ஜெயலலிதா செய்யும் தவறுகள்: பெட்ரோல் விலை ஏறும் போது இவர் எந்த போராட்டமும் நடத்தாமல் சும்மா மலை மீது உட்கார்ந்து கொண்டு அறிக்கை மட்டும் விடுவார் ஆந்திராவில் சந்திரபாபு நாயுடு அவரே வந்து தெருவில் போராட்டாம் நடத்தினார்..அவர் கைது செய்யப்பட்டார்.... ஓரு எதிர்க்கட்சி என்பது அப்படி தான் இருக்க வேண்டும்..சும்மா AC அறையில் உட்கார்ந்து கொண்டு கட்சி தொண்டர்கள் ஆர்ப்பாட்டம் நடத்துவார்கள் என்று சொல்லிவிட்டு செல்லக்கூடாது...

எப்படி இருந்தாலும் தமிழ்நாட்டு மக்கள் ஐந்து ஆண்டுகளுக்கு ஓரு முறை நல்லது செய்தாலும் சரி கெட்டது செய்தாலும் சரி ஆட்சியை மாற்ற போகிறார்கள் அதற்க்கு எதுக்கு போராட்டம் எல்லாம் செய்து கொண்டு...என்று உட்கார்ந்து கொண்டு இருக்கிறார்...காரணம், ஜெயலலிதா வந்து போராட்டம் செய்து அதிசயமாக பெட்ரோல் விலையை குறைத்து விட்டால், ஓட்டு கேட்கும் போது இவர்கள் பெட்ரோல் விலை உயர்த்திவிட்டார்கள் என்று சொல்லி ஓட்டு கேட்கமுடியாதே .

தி.மு.க 5 ஆயிரம் கோடி கொள்ளை அடித்தார்கள் என்று அ,தி,மு,க வை ஆட்சி செய்ய அனுப்பினால் அ,தி,மு,க 10 ஆயிரம் கோடி கொள்ளை அடிக்கிறார்கள்.. தி.மு.க தலைவர் இவர்கள் ஆட்சியில் ஊழல் நடகிறது என்று அறிக்கை விடுவார் ...அதுக்கு இந்த அம்மா நீங்க அந்த திட்டத்தில் இவ்வளவு கொள்ளை அடித்தீர்கள் இந்த திட்டத்தில் கொள்ளை அடிதீர்கள் என்று பதில் அறிக்கை விடுவார்...இருவரும் கொள்ளை அடித்ததை மறுக்க மாட்டார்கள்

அடுத்த தேர்தல் வரும் இதுக்கு தி,மு,க,கட்சியே பரவயில்லை 5 ஆயிரம் கோடி தான் கொள்ளை அடித்தார்கள் என்று அவர்களுக்கு ஓட்டு போடுவோம்....அடுத்து அவர்கள் வந்து 20 ஆயிரம் கோடி கொள்ளை அடிப்பார்கள் ....அட இவர்கள் 20 ஆயிரம் கோடி என்றால், அவர்கள் 50 ஆயிரம் கோடி என்று ஏறி கொண்டே போகிறதே தவிர..ஆனால் இவர்கள் ஆட்சிக்கு வந்து கொண்டுதான் இருக்கிறார்கள்... இதற்கு முக்கிய காரணம் தமிழ் நாட்டில் நிலையான ஓரு மூன்றாவது கட்சி இல்லை என்பது தான்...

அடுத்த கலைஞர் என்று சொல்லி கட்சி ஆரம்பித்தவர் இப்போது அம்மா காலடியில்....ஜாதி கலவரம் செய்து மாம்பழம் கட்சி தொடங்கியவர் சென்ற மாதம் வரை நாங்கள் தான் 2011 ஆட்சி அமைப்போம் என்று சொல்லி வந்தவர் இப்போது தன் மகனின் ஓரு சீட்டுக்காக கோபாலபுரம் வீட்டு வாசலில் உட்கார்ந்து உள்ளார்...

காங்கிரஸ்: இவர்களே காமராஜரை தோற்கடித்து விட்டு இப்போது நாங்கள் தான் காமராஜர் அரசு அமைப்போம் என்று சொல்லி வருகிறார்கள்...கட்சி பதவிக்கே வெட்டி கொள்ளும் இவர்கள் ஆட்சிக்கு வந்தால் சொல்லவே வேண்டாம்...

தேர்தல் வரும்போது எல்லாம் ரஜினி பெயர் வராமல் இருக்காது இவரும் இப்போ, அப்போ என்று மேலே கை காட்டி கொண்டு இருக்கிறார்....இவர் வரவேண்டும் என்று மக்கள் விரும்புகிறார்கள் ஆனால் வரமாட்டேன் என்று சொல்கிறார்..ரஜினி கட்சி தொடங்கினால் இந்த இரண்டு கட்சிக்கும் சிறிது அளவு பயம் வரும்...

கட்சி தொடங்க வேண்டாம் என்று நாம் சொல்லும் நடிகர் எல்லாம் கட்சி தொடங்கி 40 கோடி 50 கோடி என்று வாங்கி கொண்டு ஓட்டை பிரித்து கொண்டு இருக்கிறார்...ரஜினியை யாரவது உசுப்பி விட வேண்டும் உன்னால் ஒன்னும் செய்ய முடியாது..முடிந்தால் மோதி பார்... இப்படி செய்தால் ஓரு வேளை அவர் அரசியலுக்கு வரலாம்...
ஆனால் இந்த அரசியல் சாணக்கியர் (கலைஞர்) அதை செய்யமாட்டார் ஏற்கனவே ஒருவரை உசுப்பி விட்டு அந்த கட்சி இது நாள் வரை குடைச்சல் கொடுத்து கொண்டு இருக்கிறது..என்ன செய்வது எவ்வளவு பெரிய ஆளாக இருந்தாலும் இந்த விசயத்தில் கொஞ்சம் யோசிப்பார்கள்...

ரஜினியோ, அஜித்தோ,விஜய்யோ, யாரோ கட்சி தொடங்கி நல்ல ஓரு மூன்றாவது கட்சியாக செயல் பட்டால் சரி உடனே சிலர் கேள்வி கேட்பார்கள் ஏன் நடிகர்கள் மட்டும் தான் நாட்டை ஆட்சி செய்ய வேண்டுமா என்று முடிந்தால் நீங்களும் கட்சி தொடங்கலாம், இவர்கள் வந்து நல்லது கூட செய்ய வேண்டாம் கெடுதல் செய்யாமல் இருந்தால் போதும்..நமக்கு தேவை புதிய ரத்தம் ஓடும் ஓரு கட்சி.... எதாவது மாற்றம் வராதா என்று ஏங்கும் நம் மக்கள்...

கழுகுக்காக

சௌந்தர்

(கழுகு இன்னும் ....உயர பறக்கும்)

Posted in: அரசியல்